Details

Fundur um ljósleiðara og fleira

Staður: Kaffi Kið (golfskálanum)
Tími: Sunnudaginn 16. sept. kl. 13:00

Nú styttist í að sumarbústareigendur í Hestlandi og Kiðjabergi þurfi að taka ákvörðun um hvort þeir fái ljósleiðara í hús sitt, nú þegar Míla er að leggja ljósleiðara í svæðið. Af þessu tilefni standa félögin á svæðinu fyrir kynningar- og umræðufundi, meðal annars til að auðvelda fólki að taka ákvörðun um þetta.

Dagskrá:
1. Snjólfur og Halldór hittu Mílumenn 7. sept. og munu segja frá stöðunni og áætlunum varðandi ljósleiðaravæðinguna. Ætlunin er að komast langt með verkið í haust og ljúka því næsta vor. Ef margir fá ljósleiðara núna þá mun Míla rukka mun lægri upphæð en kynnt var 27. júli. Umræða. 
2. Hverjir ættu að fá sér ljósleiðara? Við þessu er ekkert rétt svar og verður hver og einn að meta það fyrir sig. Rætt verður um staðreyndir, álitamál, líklega þróun og sjónarmið varðandi þetta, með það í huga að auðvelda fólki að taka ákvörðun.
3. Önnur mál sem gætu varðað bæði Hestlendinga og Kiðjaberginga. Mál sem kæmi til greina að ræða eru meiri samvinna félaganna og tré sem skemma útsýni, en fundargestir geta ráðið hvað verður rætt.

Þegar fundinum lýkur verður haldinn fundur um mál sem snerta Kiðjaberg sérstaklega, kannski mjög stuttur, og Hestlendingar eru velkomnir.
Dagskrá Kiðjabergsfundar:
1. Viðhald vega og stíga á svæðinu.
2. Upplýsingaskilti fyrir svæðið.
3. Vatnsveita og hitaveita.
4. Samkomusvæði í Kiðjabergi.
5. Önnur mál.

Snjólfur Ólafsson, formaður FLK
Halldór Kr. Júlíusson, formaður Hests

Details

Niðurstöður golfmóts Hestlendinga 2018

Golfmót Hestlendinga var haldið að Kiðjabergi síðastliðinn laugardag þann 25. ágúst í 20. skipti.
Fyrirkomulagið var Texas scramble.

Í fyrstu þremur sætunum voru
1 sæti Rafn og Guðlaug
2 sæti Ingi Þór og Halla
3 sæti Jorgen og Sigrún

Eftirfarandi aðilar hlutu nánarverðlaun
Braut 3 Alexander
Braut 7 Benóný
Braut 12 Jenetta
Braut 16 Steinunn

Myndir frá verðlaunaafhendingunni eru komnar hér á síðuna.

Details

Árshátíð Hests 2018 - Fréttir

Árshátíð Hests var haldin 4. ágúst síðastliðinn

Myndir frá brandarakeppninni eru komnar hér inn á síðuna. Fleiri myndir eru vel þegnar.

Brennustjórar voru Róbert Agnarsson og Steindór Guðmundsson, þeir hafa einnig samþykkt að taka það hlutverk að sér að ári.

Details

GOLFMÓT HESTLENDINGA 2018

Hjóna og Parakeppni - Texas scramble

Laugardaginn 25. ágúst

Golfmót Hestlendinga verður með sama sniði í ár eins og í fyrra. Þetta er gert til að þess að auka þátttökuna og fá sem flesta til að taka þátt og hafa gaman saman, bæði reyndari kylfinga og óreyndari.


Fyrirkomulag:

Leikin er punktakeppni með forgjöf. Forgjöf hvers pars er fundin með því að leggja saman forgjöfina og deila með 5.

Tveir eru í hverju liði, báðir slá upphafshögg og velja betri bolta. Báðir slá svo næsta högg frá þeim stað og svo áfram þangað til kúlan er í holu.

Áætluð dagskrá laugardaginn 25. ágúst:

13:40   Fyrsti rástími

20:00   Áætluð keppnislok.

20:30   Matur borinn fram í golfskálanum:

Hægeldaðar nautalundir með Bernaise, salati og bakaðri kartöflu, kaffi og súkkulaðisnitta.

Verðlaunaafhending: Sigurlið í mótinu

Nándarverðlaun á par 3 brautum

Dregið úr skorkortum

Þátttökugjald í mótinu:                    1.500 kr.

Matur í golfskála:                4.500 kr.

Skráið ykkur endilega sem fyrst í mótið, svo hægt sé að skipuleggja mótið og ganga frá matarpöntunum.

Þátttaka tilkynnist á netföng: This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it.

Þeir sem eru með forgjöf láti hana fylgja með skráningu.