Ágætu félagsmenn og -konur í Hesti.

Eftifarandi minnisblað var að berast frá veitustjórn GOGG:

Meðfylgjandi er gróf tímaáætlun fyrir framkvæmdir á árinu 2016 þar sem við ætlum að klára hitaveituframkvæmdir og koma heitu vatni á fyrir lok september 2016.

Verkið síðastliðið haust gekk hægar en reiknað var með sem var að hluta til vegna brunans í Set en þar brann bíll sem hefur verið notaður til að draga út lagnir í svona verkum. Verktakinn leysti þetta með því að koma sér upp öðrum bíl, en þetta hefur auðveldað vinnu talsvert.

Einnig hefur verið unnið við lagningu heimæða sem ekki var reiknað með í fyrstu áætlun en það góða við það er að sú vinna er þó búin.

Verþættir sem eiga að vinnast í sumar eru eftirfarandi


• Hestland – götulagnir
• Hestland – heimæðar
• Kambar – götulagnir
• Kambar – heimæðar
• Stofnlögn að Kiðjabergi.
• Endabúnaður heimæðar.

Reiknað er með að byrja strax á lagningu götulagna og heimæða í Hestlandi um leið og frost tekur úr jörðu, en vonast er til að það verði um 1.maí og mun vinna við götulagnir og heimæðar vera út júní mánuð.

Byrjað verður að leggja stofnlögn að Kiðjabergi í byrjun júní, en efnið á að koma í lok maí auk götulagna í Kambalandið en þetta eru bæði stállagnir. Þessu ætti að ljúka í lok ágúst og heimæðar í Kambalandi mun ljúka á svipuðum tíma.

Endabúnaður á heimæðar sem er loki, sía og hemill verður settur upp samhliða öllu ferlinu. Í einhverjum tilfellum geta eigendur frístundahúsa fengið búnaðinn í hendur sé þess óskað. Starfsmenn hitaveitunnar munu alltaf þurfa að ganga frá búnaðinum en þetta er í heildina um tveggja mánaðar vinna sem mun hefjast í byrjun júní.

Athuga skal að þessi áætlun getu hliðrast til vegna ýmissa aðstæðna en taka skal fram að talið er að nægjanlegt rými sé til að ljúka verkinu fyrir 1.okt 2016.

Börkur Brynjarsson
Tæknisvið Uppsveita.

Ágætu bændur og búkonur í Hesti.

Eins og við höfum væntanlega öll orðið vör við eru framkvæmdir við lagningu hitaveitu hafnar.

Ýmsar upplýsingar hafa verið birtar á Facebook um aðdraganda framkvæmdanna og væntanlega lagningu ljósleiðara.

Gert er ráð fyrir að lagning stofnæðar í Hestlandi hefjist um miðjan október og í framhaldi af því verði farið að huga að lagningu dreifikerfis og heimæða að einstökum sumarhúsum.

Án efa eru margir sem vilja nýta veturinn til að undirbúa lagnir og breytingar sem gera þarf við og í bústaðnum til þess að vera tilbúin þegar að því kemur að fá tengingu á heitavatninu en það er áætlað eftir mitt næsta sumar. 

Það er auðveldara að fá iðnaðarmenn til starfa yfir haustið og vetrartímann heldur en þegar kemur fram á vorið.

Stjórn félagsins ákvað þess vegna á fundi sínum nýlega að leita eftir aðstoð frá Lagnaþjónustunni sf. á Selfossi um ráðgjöf fyrir þá sumarhúsaeigendur sem þess óska.  Niðurstaðan af þeirri málaleitan var sú að Ásgeir hjá Lagnaþjónustunni býður þá  þjónustu að veita einstökum sumarhúsaeigendum ráðleggingar um nauðsynlegar framkvæmdir og að setja fram tilboð ef eftir því er leitað.  Þessi þjónusta er endurgjaldslaus í trausti þess að þjónustan leiði til viðskipta við einhverja.

Fyrirkomulagið sem boðið er upp á er að einstakir sumarhúsaeigendur hafi samband við Ásgeir í síma 4822311 / 6962310 eða með tölvupósti á netfangið This email address is being protected from spambots. You need JavaScript enabled to view it..  Í samráði við hvern og einn verður tiltekinn dagur og tími sem þeir munu verða á svæðinu.  Þeir sem vilja nýta sér þessa þjónustu eru hvattir til þess að láta vita fyrir 30. september n.k.

Verið er að kanna möguleika á hagstæðum verðum í varmaskipta og annan búnað í samráði við stjórn Kiðjabergs.

kær kveðja

f.h. stjórnar

Ólafur Kristinsson, formaður

Blótað í Hesti 2016

18. þorrablót Hestlendinga verður haldið níundadag janúarmánaðar 2016

Kæru Hestlendingar.
Þá er komið að hinu árlega þorrablóti sem verður haldið að venju aðra helgi janúarmánuðar, nánar tiltekið laugardaginn 9.janúar 2016 í Golfskálanum Kiðjabergi. Húsið opnað kl. 18.30 flugeldum skotið upp kl. 18.45 og hátíðin hefst  stundvíslega kl. 19.00

Dagskrá verður að mestu með hefðbundnum hætti, konur prýða sig með höttum og karlar með slaufum.

Verðlaun fyrir frumlegustu/flottustu slaufuna og hattinn.

Vísur um bústaðinn ykkar eru kærkomnar, eins er ykkur velkomið að flytja sögur úr Hestlandi, í bundnu eða óbundnu máli.

Innkaup þarf að áætla miðað við fjölda gesta, því er brýnt að staðfesta þátttöku sem fyrst og greiða eigi síðar en föstudaginn 2.janúar 2016 .  Þátttaka tilkynnist  á netfang This email address is being protected from spambots. You need JavaScript enabled to view it.

Velkomið að taka með sér gesti.

Verðið er 5000 krónur per mann. Vinsamlegast greiðið pantaða miða inn á reikning 0345-26-6999 kt. 600891-1389 og senda staðfestingu á netfang This email address is being protected from spambots. You need JavaScript enabled to view it. því fyrr því betra.

Í fyrra seldust upp allir miðar, við hvetjum ykkur því til bregðast fljótt við og tryggja ykkur miða í tíma. Viljum endilega fá ykkur sem flest á þorrablót 2016

Við skráningu getið þið sent inn eitt óskalag danslag (eitt lag frá  bústað) og er það pantað um leið og miðar.

Bestu kveðjur,

Nefndin sem skipa
Edda og Alexander í Brekkukoti   This email address is being protected from spambots. You need JavaScript enabled to view it.
Jenetta og Benóný í Draumi         This email address is being protected from spambots. You need JavaScript enabled to view it.
Lára og Þorsteinn í Miðgarði        This email address is being protected from spambots. You need JavaScript enabled to view it.
Sigurbjörg og Sigurður í Heiðarhvammi  This email address is being protected from spambots. You need JavaScript enabled to view it.

Golfmót Hestlendinga

29.ágúst 2015 klukkan 13:30 (ath.breyttan tíma)

Spilaðar eru 18 holur á Kiðjabergsvelli.

Verðlaun:

·      Klúbbmeistari - besta skor án forgjafar.

·      Kvennaflokkur með forgjöf

·      Karlaflokkur með forgjöf

·      Nándarverðlaun eru veitt á öllum par 3 brautum.

·      Hámarks forgjöf í mótinu er 36.

Gjaldgengir í golfmótið eru sumarbústaðareigendur í Hesti, foreldrar þeirra, afkomendur og tengdabörn.

Þátttökugjald er kr. 1.500 fyrir félaga í GKB, annars kr. 4.500.

Verðlaunaafhending og kvöldverður að móti loknu. 

Þátttaka tilkynnist á netfang: This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. í síðasta lagi 28.08.2014.

Verðlaun í mótið eru þegin með þökkum.               

Stjórn GHE