- Details
Jóhannes Long ljósmyndari flaug yfir Kiðjaberg 19.ágúst síðastliðinn og tók myndir af golfvellinum og sumarhúsum. Hann á til myndir af flestum sumarhúsum. Þeir sem hafa áhuga að kaupa loftmyndir geta haft samband við Jóhannes í síma 892-7404 eða í gegnum netfangið This email address is being protected from spambots. You need JavaScript enabled to view it.
Nokkrar lofmyndir má sjá hér á síðunni með því að smella hér efst á ,,Myndir".
- Details
Sameiginlegir ruslagámar í landi Kiðjabergs eru eingöngu ætlaðir fyrir heimilissorp eins og greinilega má lesa á skilaboðum sem sett eru á gámana. Eins og allir hafa orðið varir við, sem erindi eiga að gámunum, er umgengni á svæðinu við gámana vægast sagt verulega ábótavant. Ber þar einkum tvennt til. Annars vegar er söfnunargámur björgunarsveitarinnar Trinton sem er annað hvort of lítill eða of sjaldan tæmdur. Vakin hefur verið athygli björgunarsveitarinnar á því að tæma þurfi söfnunargáminn oftar eða útvega stærri gám.
Hitt er verra við að eiga þegar einhverjir hunsa þau tilmæli sem lesa má á gámunum um að allt annað en heimilissorp skuli fara með á gámastöðina við Seyðishóla eða á aðra sambærilega gámastöð. Nýlega hefur einhver eða einhverjir leyft sér að fleygja loki af heitum potti, gasgrilli, málningardósum o.fl. við gámana og ætlast greinilega til þess að aðrir þrífi eftir þá. Slík umgengni er viðkomandi til skammar en það sem er verra er að þar sem ekki er vitað hver eða hverjir eiga hlut að máli er skömmin okkar allra sem viljum ganga vel og snyrtilega um þetta sameiginlega svæði.
Hér með er því skorað á þá sem hent hafa rusli við gámana að fjarlægja það.
Um leið er hvatt til sameiginlegs átaks um að ganga vel og snyrtilega um gámasvæðið og vekja athygli iðnaðarmanna, sem koma að einhverjum verkefnum fyrir félagsmenn, á þeim reglum sem gilda um gámasvæðið.
Með sumarkveðju
Ólafur Kristinsson, form. stjórnar Hestlendinga
Jens Helgason, form. stjórnar sumarhúseigenda Kiðjabergi
- Details
Langtímaveðurspá á Belgingi fyrir sunnudaginn er góð.
Matseðill í Golfskála að loknu móti
Hægeldað lambalæri með ferskum kryddjurtum Hvítvinssoðið bankabyggsrisotto Spergilkáls og blómkálsgratin Kartöflusmælki með steinseljusmjöri Bernaisesósa og lambagljái Laufsalat með sesamfrædressingu. Verð per mann 4.100 kr.
- Details
Golfmót Hestlendinga
Sunnudaginn 31. ágúst 2014 kl. 13:00
Spilaðar eru 18 holur á Kiðjabergsvelli.
Verðlaun:
· Klúbbmeistari - besta skor án forgjafar.
· Kvennaflokkur með forgjöf
· Karlaflokkur með forgjöf
· Nándarverðlaun eru veitt á öllum par 3 brautum.
· Hámarks forgjöf í mótinu er 36.
Gjaldgengir í golfmótið eru sumarbústaðareigendur í Hesti, foreldrar þeirra, afkomendur og tengdabörn.
Þátttökugjald er kr. 1.500 fyrir félaga í GKB, annars kr. 4.500.
Verðlaunaafhending og kvöldverður að móti loknu. Nánari upplýsingar um verð og fyrirkomulag á veitingum liggja fyrir þegar nær dregur móti.
Þátttaka tilkynnist á netfang: This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it. í síðasta lagi 30.08.2014.
Verðlaun í mótið eru þegin með þökkum. Stjórn GHE