Details

GOLFMÓT HESTLENDINGA 2017

Hjóna og Parakeppni - Texas scramble

Laugardaginn 26. ágúst

Golfmót Hestlendinga verður með sama sniði í ár eins og í fyrra. Þetta er gert til að þess að auka þátttökuna og fá sem flesta til að taka þátt og hafa gaman saman, bæði reyndari kylfinga og óreyndari.

Fyrirkomulag:

Leikin er punktakeppni með forgjöf. Forgjöf hvers pars er fundin með því að leggja saman forgjöfina og deila með 5.

Tveir eru í hverju liði, báðir slá upphafshögg og velja betri bolta. Báðir slá svo næsta högg frá þeim stað og svo áfram þangað til kúlan er í holu.

Áætluð dagskrá laugardaginn 26. ágúst:

14:00   Fyrsti rástími

20:00   Áætluð keppnislok.

20:30   Matur borinn fram í golfskálanum: Hægeldaðar nautalundir með Bernaise og bakaðri kartöflu, kaffi og kökubiti.

Verðlaunaafhending: Sigurlið í mótnu, nándarverðlaun á par 3 brautum og dregið úr skorkortum

Þátttökugjald í mótinu:       1.500 kr.

 Matur í golfskála:                4.500 kr.

Skráið ykkur endilega sem fyrst í mótið, svo hægt sé að skipuleggja mótið og ganga frá matarpöntunum.

Þátttaka tilkynnist á netföng: This email address is being protected from spambots. You need JavaScript enabled to view it. og This email address is being protected from spambots. You need JavaScript enabled to view it.

Þeir sem eru með forgjöf láti hana fylgja með skráningu.

Details

Vinnudagur í Hesti - 20. maí

Ágætu hestlendingar!

Þá er komið að hinum árlega vinnudegi okkar, sem hefur af Stjórninni verið ákveðinn laugardaginn 20. maí.

Fyrirkomulag verður með sama móti og venjulega. Mæting er í Kinnhesti kl. 13.00 og gengið rakleitt til vinnu. Áætluð verklok eru milli 15 og 16 eða eftir getu hvers og eins.

Heitt verður á könnunni og eitthvert meðlæti.

Í ár verða lagðar áherslur á þrjá verkþætti og hópnum skipt upp í samræmi við það.

Girðingavinnan á fjallinu heldur áfram þar sem horfið var frá í fyrra og væri gott ef einhver kæmi með fjórhjól og kerru.

Annar hópur fer í það að fjarlægja rótarskot og sjálfsáin tré meðfram veginum, en víða stefnir í óefni ef ekki verður brugðist við

Þriðji hópurinn mun svo fara eftir orminum langa og bæta skörðótta kanta og fylla í holur eftir megni. Hitaveituþveranir og annað tengt hitaveituframkvæmdunum verða lagfærðar af sveitafélaginu.

Eitthvað má svo nostra við Kinnhestinn sjálfan.

 

Það er von okkar að sem flestir sjái sér fært um að mæta í einhverri mynd og gjarnan með viðeigandi verkfæri. Veðurspáin er mjög góð.

Stjórnin

Details

Árshátíð Landeigendafélags Hests 2017.

Árshátíð Landeigendafélags Hests 2017 verður haldin með hefðbundnum hætti um Verslunarmannahelgina og fer fram á félagssvæðinu í Kinnhesti laugardaginn 5. ágúst. Að venju hefst árshátíðin kl. 13:00 á Brandarakeppni barna og að henni lokinni fer fram Hestlandsmeistaramót í Kubb. Léttar veitingar (pylsur og gos) verða í boði félagsins að Brandarakeppninni lokinni. Um kl. 21 um kvöldið verður varðeldur í Kinnhesti með brekkusöng.
Skráning í Kubbmótið og Brandarakeppni barna fer fram á staðnum. Keppt er um veglega farandgripi. Að vanda keppa 3ja manna lið í Kubbmótinu. Einnig er veitt viðurkenning fyrir besta liðsbúninginn.


Upplýsingar um reglur Brandarakeppninnar og Hestlandsmeistaramótsins í Kubbi má sjá á heimasíðu félagsins undir ”Félagsstörf”.

Góða skemmtun!

f.h. árshátíðarnefndar,

Halldór í Kerlingagarði

Details

Píslarganga á Hestfjall

Á föstudaginn langa, 14. apríl, verður gengin píslarganga á Hestfjall. Göngufólk safnast saman í Kinnhesti kl. 13:00.
Kveðja,

Halldór í Kerlingagarði.